اخبار فوری
فــــهــــيـــم شـاهـیـن
24 سنبله 1405
38
جرمني : لایپزیګ کې د افغان کډوالو د احتمالي شړلو پر ضد لاریون
بریانیوز سه شنبه (۲۴/ سنبله /۱۴۰۵هـ.ش)
د جرمني په لایپزیګ ښار کې شاوخوا ۲۰۰ کسانو د هغو افغان کډوالو د احتمالي شړلو پر ضد لاریون کړی چې ویل کېږي ښايي له دغه ښار څخه د چارټر الوتنې له لارې افغانستان ته واستول شي
لاریون کوونکو ویلي، د لایپزیګ له هوايي ډګر څخه ښايي کابل ته د افغان کډوالو د لېږد لپاره ځانګړې الوتنه ترسره شي؛ خو تر اوسه جرمني چارواکو په رسمي ډول د دغې الوتنې ترسره کېدل نه دي تایید کړي
د معترض ایتلاف ویاندې لوکا مولر پر حکومت نیوکه کړې او ادعا یې کړې چې د افغان کډوالو د شړلو لړۍ د جرمني حکومت او د طالبانو ترمنځ د پټو هوکړو له امله ترسره کېږي
مولر غوښتنه کړې چې جرمني باید له طالبانو سره هر ډول همکاري سمدستي پای ته ورسوي او د افغان کډوالو د شړلو بهیر ودروي
په لاریون کې ګډونوالو د کډوالو د ایستلو پر تګلارې سختې نیوکې وکړې او له حکومت څخه یې وغوښتل چې د هغو افغانانو د خوندیتوب موضوع په پام کې ونیسي چې د شړلو له خطر سره مخ دي
د لاریون د جوړوونکو په وینا، د کډوالو افغانستان ته ستنول په داسې حال کې د اندېښنې وړ دي چې په دغه هېواد کې د بشري حقونو او امنیت وضعیت لا هم د نړیوالو بنسټونو د پام وړ موضوع ده
تر اوسه د جرمني حکومت یا اړوندو چارواکو د لاریون د ادعاوو او له لایپزیګ څخه افغانستان ته د احتمالي الوتنې په اړه رسمي څرګندونې نه دي کړي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl