اخبار فوری
فــــهــــيـــم شـاهـیـن
02 عقرب 1404
6
کابل – د ایران سفیر په کابل کې، علیرضا بیکدلي، تازه څرګنده کړې چې د افغان کارګرانو لپاره به د کار ویزې یوازې هغو کسانو ته ورکول کېږي چې له ایرانۍ کارکوونکي ادارې یا رسمي کارفرما څخه د کار رسمي اجازې سند ولري
بیکدلي زیاته کړه، د دې نوې تګلارې موخه دا ده چې د افغان کارګرانو قانوني وضعیت روښانه شي او د ناقانونه کډوالۍ، استثمار او ناوړه چلند مخه ونیول شي. نوموړي ټینګار وکړ چې د ایران اسلامي جمهوریت غواړي د افغان کارګرانو لپاره داسې قانوني لارې چارې رامنځته کړي چې هم د دواړو هېوادونو اقتصادي اړیکې پیاوړې کړي او هم د انساني حقونو معیارونه مراعت شي
د ده په وینا، د کار ویزې ترلاسه کول به له دې وروسته یوازې د هغو افغانانو لپاره ممکن وي چې د ایران د کار او ټولنیزو چارو وزارت لهخوا تائید شوې دندې ته د کار رسمي بلنه ولري
په ورته وخت کې، یو شمېر افغان کارګران چې پخوا د ایران په بېلابېلو ولایتونو کې په غیر رسمي توګه کار کاوه، وایي که دغه تګلاره په شفاف ډول عملي شي، نو دا به د دوی لپاره د خوندیتوب او باثباته عاید یوه ښه لار وي
د افغانستان د کار او ټولنیزو چارو وزارت هم ویلي، هڅه کوي له ایران سره ګډ میکانیزم رامنځته کړي ترڅو د افغان کارګرانو د قانوني استقرار، بیمې او حقونو ساتنه یقیني شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي