اخبار فوری
د افغانستان د سولې پخواني استازي زلمي خلیلزاد: پاکستان نور د افغان حکومت په ګټه نه دی، د باور کړۍ ماته شوې ده
فــــهــــيـــم شـاهـیـن
02 عقرب 1404
6
کابل – د افغانستان د سولې پخواني استازي زلمي خلیلزاد په تازه څرګندونو کې ویلي، چې پاکستان نور د افغانستان له اوسني حکومت سره د پخواني اعتماد او ګډو موخو احساس نه لري، او دا اړیکې اوس د بېباورۍ او سیاسي یخوالي تر سیوري لاندې راغلې دي
نوموړي ویلي، د افغانستان او پاکستان اړیکې په وروستیو میاشتو کې د بېلابېلو لاملونو له کبله ترینګلې شوې دي — له سرحدي شخړو نیولې، تر سوداګریزو محدودیتونو او د افغان کډوالو د ایستلو پورې. د ده په وینا، دا کړکېچونه د دې سبب شوي چې اسلاماباد د کابل په اوسني حکومت خپل سیاسي باور له لاسه ورکړي
خلیلزاد زیاته کړې: «پاکستان دا درک کړې چې اوسنی حکومت نه د نړیوالو باور ترلاسه کولای شي، نه د سیمې د ثبات لپاره کار کولای شي. له همدې امله د اسلاماباد دریځ بدلېدونکی ښکاري
د سیمهییزو چارو شنونکي باور لري، چې پاکستان د افغانستان په اړه خپلې پخوانۍ ستراتېژۍ ته له سره کتنه کوي. د هغوی په اند، اسلاماباد هڅه کوي داسې تګلاره غوره کړي چې د اقتصادي همکاریو، امنیتي ثبات او نړیوالو اړیکو له پلوه د ده ګټې خوندي کړي
یو افغان سیاسي شنونکی وايي: «اسلاماباد تل هڅه کړې چې په افغانستان کې د خپلې تګلارې نفوذ وساتي، خو اوس یې دا اغېزه له منځه تللې. د اوسني حکومت کړنلاره د پاکستان لپاره نور د منلو وړ نه ده
په ورته وخت کې، د طالبانو چارواکو د خلیلزاد د وروستیو څرګندونو په اړه غبرګون نه دی ښودلی، خو شنونکي وایي، دا څرګندونې د یوې نوې سیاسي مرحلې پیلامه ده، چې ښایي د دواړو هېوادونو اړیکې د اوږدې مودې لپاره بدلې کړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي