اخبار فوری
فــــهــــيـــم شـاهـیـن
05 عقرب 1404
11
د امارت اسلامي ویاند، ذبیحالله مجاهد، اعلان کړی چې افغانستان له دې وروسته د اسلاماباد او د تحریک طالبان پاکستان (TTP) ترمنځ د خبرو اترو په بهیر کې د منځګړیتوب رول نه لوبوي
مجاهد ویلي، د افغانستان دریځ څرګند او قاطع دی؛ کابل د سولې او تفاهم هره هڅه هرکلی کوي، خو هغه وخت چې دواړه لوري د سولې ریښتینی نیت او عملي ژمنتیا ولري
هغه زیاته کړه، چې امارت اسلامي د دواړو هېوادونو ترمنځ د باور او تفاهم فضا رامنځته کولو لپاره هڅې وکړې، خو د بېباورۍ، ناسمو تورونو او سیاسي لوبو له امله دغه بهیر بېپایلې پاتې شو
د مجاهد په وینا، افغانستان د سیمې د سولې او ثبات ملاتړی دی، خو د نورو هېوادونو داخلي ستونزې د زور له لارې نه شي حل کولای. هغه ټینګار وکړ چې د جګړې دوام به د سیمې امنیت او ثبات ته جدي زیان ورسوي
سرچینې وايي، کابل په تېرو میاشتو کې هڅه کړې وه چې د اسلاماباد او TTP ترمنځ د خبرو له لارې ګډ تفاهم رامنځته کړي، خو د دواړو لورو ترمنځ د اعتماد نشتوالی او پوځي عملیاتو دغه هڅې شنډې کړې
په عین حال کې، سیاسي شنونکي باور لري چې دا پرېکړه د افغانستان د نوي سیاسي دریځ څرګندونه کوي — یو داسې دریځ چې غواړي نړۍ ته دا پیغام ورسوي، چې کابل نور د نورو جګړو منځګړی نه، بلکې د سولې، ثبات او خپلواک سیاست محور دی
د چارو یو شنونکی وايي:
افغانستان اوس غواړي وښيي چې د جګړې نه، بلکې د سولې کور دی؛ هغه هېواد چې د سیمې د ثبات او ګډ تفاهم پر لور ګام اخلي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي