اخبار فوری
پاکستاني پلاوی په استانبول مذاکراتو کې بېواکه او د شاتګ په حال کې – د طالبانو ملي ټلوېزیون
فــــهــــيـــم شـاهـیـن
06 عقرب 1404
13
کابل – د طالبانو تر ادارې لاندې ملي ټلوېزیون په خپل تازه راپور کې ویلي، چې د ترکیې په استانبول ښار کې د افغانستان او پاکستان ترمنځ روانو خبرو اترو کې د پاکستان پلاوی «بېواکه» ښودل شوی او د مذاکراتو له دوام څخه د وتلو نښې ښکاري
د راپور له مخې، پاکستاني استازي نه یوازې دا چې د پرېکړو واک نه لري، بلکې د اسلاماباد د پوځ ځینې ځانګړې کړۍ هڅه کوي د سولې او تفاهم بهیر خنډ کړي
په راپور کې راغلي:
پاکستاني پلاوی د پوځ د نفوذ له امله د خبرو صلاحیت نه لري، له همدې امله د دلیل او منطق پر ځای د شاتګ لاره غوره کوي
د طالبانو اړوندې رسنۍ ادعا کوي چې د طالبانو پلاوي په بشپړه اخلاص او رغنده نیت سره د خبرو لپاره هڅې کړې دي، څو د دواړو هېوادونو ترمنځ شخړې د خبرو له لارې هوارې شي. خو سرچینې زیاتوي چې داسې ښکاري پاکستانی لوری د رښتینې سولې لپاره تیاری نه لري
د طالبانو د سرچینو په وینا، افغان لوری لا هم د متقابل درناوي، همکارۍ او ګډو امنیتي اندېښنو د حل لپاره پر خبرو باور لري، خو د پاکستاني پلاوي «بېباوري او دوهمخه دریځ» د اعتماد فضا ټکني کړې ده
شنونکي باور لري چې که پاکستان د خپلې پوځې کړۍ نفوذ مهار نه کړي، نو د اسلاماباد او کابل ترمنځ د اعتماد جوړونې هڅې به بیا هم له خنډ سره مخ شي
دا په داسې حال کې ده چې د افغانستان او پاکستان ترمنځ اړیکې له اوږدې مودې راهیسې د شک او بې باورۍ سیوري لاندې دي، او د وروستیو خبرو اترو برخلیک هم لا روښانه نه دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي