اخبار فوری
هند خپل نوی سفیر په کابل کې رسماً وټاکه — د دواړو هېوادونو اړیکې د نوي ډیپلوماټیک پړاو پر لور
فــــهــــيـــم شـاهـیـن
07 عقرب 1404
15
کابل – د هند د بهرنیو چارو وزارت د رسمي اعلامیې له مخې، د افغانستان لپاره د نوي سفیر په توګه کارن یادو (Karan Yadav) ټاکل شوی او نوموړي په کابل کې خپل ماموریت په رسمي ډول پیل کړی دی. دا ګام د هغه وروسته اخیستل کېږي چې هند د څه مودې لپاره خپل سفارت په محدوده کچه فعال ساتلی و، خو اوس د بشپړ ډیپلوماټیک حضور اعلان کوي
کارن یادو، چې د تېر یو کال راهیسې یې د هند د تخنیکي پلاوي مشري په کابل کې پر غاړه لرله، د دې ښار د سیاسي او انساني وضعیت له نږدې سره آشنا بلل کېږي. د نوموړي د سفیر په توګه ټاکل کېدل د هند له لوري یو مهم ډیپلوماټیک پیغام ګڼل کېږي – دا چې نوی ډهلي غواړي د افغانستان له ولس سره خپل اړیکې بیا ژوندي کړي او د سیمهییزو همکاریو له نوې لارې د ثبات، پرمختګ او بشري ملاتړ یو تازه فصل پرانیزي
یادو خپله ډیپلوماټيک دوره د ۲۰۱۴ کال په اوږدو کې د هند د بهرنیو چارو وزارت په چوکاټ کې پیل کړې وه. هغه د خپلې مسلکي تجربې پر مهال په مالدیف او سريلانکا کې د هند د سفارتونو له لارې مهم مأموریتونه ترسره کړي دي. د ده همکاران هغه یو زړور، نرممزاج او ژور لیدلوری لرونکی ډیپلوماټ بولي، چې د ستونزمنو حالاتو په منځ کې هم د ډیالوګ، باور او تفاهم لارې لټوي
د کابل د سیاسي چارو یو کارپوه وایي:
د کارن یادو راتګ د دې نښه ده چې هند غواړي له افغانستان سره خپل انساني او اقتصادي پروګرامونه بیا فعاله کړي. دا نه یوازې د دواړو هېوادونو اړیکو ته نوی روح ورکوي، بلکې د سیمې په کچه د هند د نفوذ لپاره هم یو مهم پرمختګ دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي