اخبار فوری
د ایران د کورنیو چارو وزارت د بهرنیو اتباعو او کډوالو مرستیال نادر یاراحمدي ویلي: ایران د بهرنیانو سره د واده قانوني کولو هڅه کوي
فــــهــــيـــم شـاهـیـن
10 عقرب 1404
6
تهران – د ایران د کورنیو چارو وزارت د بهرنیو اتباعو او کډوالو مرستیال نادر یاراحمدي ویلي، د دې هڅې چارې روانې دي چې د غیرایراني وګړو سره ودونه له شرعي بڼې څخه قانوني چوکاټ ته واړول شي
ښاغلي یاراحمدي څرګنده کړه، چې په هېواد کې له بهرنیانو سره ګڼ شمېر ودونه د قانوني ثبت پرته ترسره شوي، چې له امله یې ګڼ ماشومان او ښځې له حقوقي، هویتي او مدني ستونزو سره مخ دي. د هغه په وینا، دا موضوع نه یوازې د ټولنیز نظم مسأله ده، بلکې د بشري حقونو او کورنۍ ثبات له اړخه هم مهمه ده
د ایران د کورنیو چارو وزارت مرستیال زیاته کړه، چې دوه ورځې وړاندې د ولسي جرګې له استازو سره د ګډ کمېسیون لومړنۍ ناسته ترسره شوې، تر څو د دې طرحې قانوني او اجرایي اړخونه په ګډه وڅېړل شي
د دغه اقدام په تړاو په ایران کې بېلابېل غبرګونونه رامنځته شوي دي. د طرحې ملاتړي وايي، د واده قانوني کېدل به د ښځو او ماشومانو د حقونو ساتنه یقیني کړي او د ټولنیزو ستونزو مخه به ونیسي. خو مخالفین یې اندېښنه لري، چې دا کار به د بهرنیانو د واده ترویج ته لاره هواره کړي او د ایران د ملي جوړښت پر توازن اغېز وکړي
یادونه کېږي، چې په تېرو کلونو کې د افغانستان، پاکستان او نورو ګاونډیو هېوادونو له اتباعو سره د ودونو شمېر په ایران کې زیات شوی، خو د ډېرو دا ډول اړیکې د قانون له ثبت پرته پاتې دي، چې د ماشومانو د تابعیت، میرمنو د حقونو او کورني ثبات په برخه کې جدي ننګونې رامنځته کړي دي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي