اخبار فوری
فــــهــــيـــم شـاهـیـن
12 عقرب 1404
27
هرات – د ۲۰۷ الفاروق قولاردو چارواکو اعلان کړی چې ۷۰۰ تنه ځوان سرتېري د درې میاشتنیو نظامي او عقیدتي زدهکړو له بشپړولو وروسته، په شاندارو مراسمو کې فارغ شول
چارواکي وايي، دا روزنیز بهیر د دې لپاره جوړ شوی و چې ځوان منسوبین د پوځي مهارتونو، ډسپلین، ملي روحیې او عقیدوي پوهې سره سمبال شي، څو د هېواد د دفاع په لیکو کې اغېزمن رول ولوبوي
د قولاردو یو لوړپوړي چارواکي د فراغت په مراسمو کې وویل:
دا ځوانان د زړورتیا، نظم او خدمت سمبولونه دي. موږ باور لرو چې دوی به د افغانستان د امنیت او ثبات په ټینګښت کې پیاوړی رول ولوبوي
د روزنې پر مهال، سرتېرو ته د وسلو سم استعمال، فزیکي تمرینونه، تاکتیکي عملیات، او د عقیدې او وطنپالنې درسونه ورکړل شوي دي
د پوځ د مطبوعاتي دفتر په وینا، د دې فارغانو ډېری برخه به ډېر ژر د هېواد په بېلابېلو سیمو کې دندې پیل کړي او د ملي ځواکونو لیکې به لا پیاوړې کړي
د هرات اوسېدونکي دغه فراغت د ځوان نسل د ژمنتیا او وطنپالنې نښه بولي، او وایي چې د قوي او مسلکي پوځ شتون د افغانستان د راتلونکي ثبات لپاره حیاتي ارزښت لري
د یادونې ده چې د ۲۰۷ الفاروق قولاردو د لوېدیځ زون یو له مهمو پوځي مرکزونو څخه دی، چې هر کال سلګونه ځوانان روزي او د هېواد د دفاع لیکو ته استوي، څو د خپل وطن د خاورې ساتنه وکړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي