اخبار فوری
روسیې د امنیت شورا سکرت شویګو: د افغانستان سیمهییزه ادغام بېسارې اړتیا ده، خو د ترهګرو د نفوذ خطر لا هم پر ځای دی
فــــهــــيـــم شـاهـیـن
14 عقرب 1404
8
د روسیې د امنیت شورا سکرتر، سرګي شویګو، ویلي چې د افغانستان د اقتصادي ادغام لپاره سیمهییزه همکاري اوس تر هر وخت زیات اړینه ده، خو ورسره جوخت د افغان خاورې څخه د ترهګرو او سختدریځو ډلو د نفوذ خطر لا هم جدي پاتې دی
شویګو دا څرګندونې د دولتونو د ګډوالې (CIS) د امنیتي شوراګانو د سکرترانو د ۱۳مې ناستې پر مهال په مسکو کې وکړې. نوموړي وویل
روسیه د افغانستان له اوسني واقعیت څخه سترګې نه پټوي، له همدې امله موږ له طالبانو سره د متقابل تعامل ملاتړ کوو او بشري مرستې دوامدارې ورلېږو
هغه زیاته کړه چې د افغانستان ثبات نه یوازې د سیمې د امنیت لپاره مهم دی، بلکې د اقتصادي پروژو د پرمختګ لپاره هم حیاتي رول لري. خو په عین وخت کې یې خبرداری ورکړ چې
د افغان خاورې څخه د ترهګرو د نفوذ خطر د ګډو هڅو پرته نه شي مهارېدلای. موږ باید په ګډه سیمهییزه تګلاره جوړه کړو
شویګو د تاجکستان او افغانستان ترمنځ د پولې د پیاوړتیا لپاره د ګډې برنامې پلي کول هم د مخدره موادو د قاچاق او وسلهوالو د تګراتګ د مخنیوي مهم ګام وباله
د هغه په وینا، مسکو په وروستیو میاشتو کې پر دې ټینګار کړی چې د طالبانو ادارې سره رغنده تعامل، او د افغانستان سیمهییزو اقتصادي پروژو ته ورګډول، کولی شي د ثبات او همکارۍ نوې دروازې پرانیزي
روسیه په داسې حال کې د افغانستان د سیمهییز ادغام غوښتنه کوي چې د طالبانو حکومت لا هم د نړۍ لهخوا په رسمي توګه نه دی پېژندل شوی. مسکو، سره له دې، هڅه کوي د منځنۍ آسیا د امنیت، د نشهيي موادو د مخنیوي، او اقتصادي اتصال په برخه کې د افغانستان رول ته ځانګړې پاملرنه وکړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي