اخبار فوری
فــــهــــيـــم شـاهـیـن
27 عقرب 1404
7
په داسې حال کې چې د تایوان پر سر سیمه ییزې شخړې او تاو تریخوالی مخ په زیاتېدو دی، جاپان خپلو اتباعو ته چې په چین کې مېشت دي، د احتیاط سپارښتنه کړې ده. د جاپان د بهرنيو چارو وزارت له چین څخه د جاپاني وګړو غوښتنه کړې چې له لویو ټولیزو غونډو څخه ځانونه لرې وساتي او د امنیتي وضعیت د بدلونونو په اړه هوښیار پاتې شي
دغه خبرداری په داسې مهال خپرېږي چې په سیمه کې د چین او تایوان ترمنځ کړکېچ زیات شوی او د سیمې هېوادونه د احتمالي امنیتي بدلونونو په اړه اندېښنې لري
جاپاني چارواکي وايي چې چین کې د سیاسي فضا حساسیت او د نړيوالو اړیکو ګړندی بدلون د دې لامل شوی چې اتباع یې د هر ډول ناڅاپي حالاتو د مخنیوي لپاره جدي احتیاط وکړي
وزارت خپلو وګړو ته ټېلېفوني اپلېکېشنونو او رسمي لارې د امنیتي خبرتیاوو د ژر ترلاسه کولو سپارښتنه هم کړې ده، څو په اړینو مواردو کې په وخت خبر شي او مناسب ګامونه پورته کړي
تر دې مهاله د چین له لوري کوم رسمي غبرګون نه دی څرګند شوی، خو کارپوهان باور لري چې د تایوان شاوخوا تودې امنیتي فضا به لا هم د سیمهییزو کړکیچونو د زیاتېدو لامل شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي