اخبار فوری
فــــهــــيـــم شـاهـیـن
29 عقرب 1404
4
سرچینې په اسلاماباد کې وایي چې د پاکستان پولیسو په وروستیو ورځو کې د ښارګوټي ایف -۱۷ په سیمه کې د کورونو د پلټنو لړۍ شدیده کړې او ګڼ شمېر افغان کډوال یې له خپلو کورونو نیولي دي. د نیول شویو کسانو په ډله کې ښځې، ماشومان او زاړه کسان هم شامل دي
د عیني شاهدانو له وینا، پولیس د ورځې او شپې په بېلابېلو ساعتونو کې ناڅاپه سیمې ته ننوځي، دروازې ټکوي او د اسنادو د نشتون په پلمه افغانان له ځان سره بیايي. د سیمې اوسېدونکي وایي چې دا حالت په کورنیو کې سختې وېري او اندېښنې رامنځته کړي دي، او ماشومان له پرلهپسې پولیسو او ګزمې څخه په شدید اضطراب اخته شوي دي
د کډوالو د کورنیو په خبره، دوی نه پوهېږي چې نیول شوي خپلوان یې چیرته وړل کېږي او له کوم قانوني بهیره تېرېږي. ګڼې کورنۍ اوس د راتلونکي په اړه په بشپړ ډول په بېخبرۍ کې دي
بشري فعالان دا وضعیت “د انسانیت له بنسټونو سره ټکر” بولي او ټینګار کوي چې باید د ښځو او ماشومانو په ګډون د ټولو کډوالو پوښتنو کې د قانوني او انساني اصولو مراعت باوري شي
تر دې مهاله د پاکستان حکومت په دې اړه تازه څرګندونې نه دي کړې، خو د افغان کډوالو په سیمو کې د پولیسو حضور لا هم ورځ تر بلې ډېرېږي او وضعیت یې لا پسې ترینګلی کړی دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي