اخبار فوری
په اسلامآباد هوایي ډګر کې ۳۰ افغان مسافر درول شوي؛ د «نامعلوم دلیل» له امله د بېرته ستنولو هڅې روانې دي
فــــهــــيـــم شـاهـیـن
30 عقرب 1404
2
پاکستاني پولیسو د اسلامآباد په نړیوال هوایي ډګر کې د کابل د الوتنې ۳۰ افغان مسافر درولي دي او وایي چې کېدای شي هغوی بېرته افغانستان ته ولېږل شي
د دغو مسافرو له ډلې یوه کس ویلي چې دوی د پنجشنبې په ورځ، د عقرب ۲۹مه، له کابل څخه اسلامآباد ته په یوه منظم او جواز لرونکي پرواز رسېدلي وو
نوموړی زیاتوي چې ټول مسافر د قانوني اسنادو بشپړ درلودونکي دي؛ د هر مسافر ویزه، پاسپورت او د تګ راتګ د الوتنې ټکټ موجود دی، خو سره له دې پولیسو دوی «بې له کوم واضح دلیل» درولي دي
دغه مسافر وایي چې پولیسو هغوی د هوایي ډګر له ساحې څخه د وتلو اجازه نه ده ورکړې او اړ یې کړي چې د څو ساعتونو لپاره انتظار وباسي، هغه هم داسې حال کې چې چارواکي دوی ته هېڅ روښانه وضاحت نه ورکوي
تر دې دمه د پاکستان د حکومت یا پولیسو له لوري رسمي څرګندونې نه دي شوې، خو مسافر اندېښنه لري چې ښایي د هېڅ قانوني موندنې پرته بېرته افغانستان ته واستول شي
دا پېښه په داسې وخت کې رامنځته کېږي چې په پاکستان کې د افغانانو د درولو، ځورولو او بېرته لېږلو راپورونه ورځ تر بلې زیاتېږي، او د بشري حقونو فعالان یې د اندېښنې وړ وضعیت بولي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي