اخبار فوری
فــــهــــيـــم شـاهـیـن
30 عقرب 1404
6
د امریکا فدرالي محکمې یو ځل بیا د محمد شریفالله محاکمه وځنډوله؛ هغه کس چې د داعش خراسان غړی بلل کېږي او د کابل د هوايي ډګر د «ابي دروازې» د مرګبارې حملې په همکارۍ تورن دی. ټاکل شوې وه محاکمه د ۲۰۲۵ کال په ډسمبر کې ترسره شي، خو اوس به د ۲۰۲۶ کال د فبروري پر ۹مه ترسره کېږي
شریفالله هغه څوک ګڼل کېږي چې د برید تر ترسره کېدو مخکې یې د ځانمرګي بریدکوونکي لپاره د لارې او ننوتلو حساس معلومات برابر کړي وو. نوموړی د ۲۰۲۵ کال په مارچ کې په پاکستان کې نیول شوی او له هغه ځایه امریکا ته سپارل شوی و
د «ابي دروازې» دغه خونړۍ پېښه هغه مهال وشوه چې زرګونه افغانان د کابل هوايي ډګر ته د وتلو لپاره ورټول شوي وو. په دې برید کې لسګونه افغانان او ۱۳ امریکايي سرتېري وژل شول، یو داسې پېښه چې نړۍ یې ولړزوله او د افغانستان د وتلو پروسې پر بهیر یې ژوره اغېزه پرېښوده
تر اوسه د محکمې د ځنډ د لاملونو په اړه ډېر جزئیات نه دي خپاره شوي، خو حقوقي شنونکي وایي چې دا قضیه د امنیتي اسنادو د پېچلتیا له امله خورا حساسه بلل کېږي او کېدای شي همدا د ځنډ سبب وي
د قضیې څارونکي باور لري چې دا محاکمه به د هغه تاریخي او خونړي فصل د قانوني پلټنو مهمه برخه وي او ممکن نوې سیاسي او حقوقي بحثونه هم راپورته کړي.
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي