د ټرمپ د مرستیال تېره خبره: اوکراین د پیسو او وسلو په سیلاب نه ګټل کېږي؛ دا یوازې یو خیال دی

 د امریکا د ولسمشر مرستیال، جی‌دي ونس، په یوه تازه څرګندونه کې د اوکراین د جګړې د بریا په اړه هغه تصور «خیالي او لرې» وباله چې وایي یوازې د وسلو، مرستو او بندیزونو په زیاتولو سره به اوکراین د جګړې ډګر بدل کړي

ونس د شنبې په ورځ، د نومبر ۲۲مه، په خپل ایکس حساب کې لیکلي چې د امریکا د نوې طرحې په اړه خبرې روانې دي، خو د دې لپاره چې جګړه پای ته ورسېږي، باید له خیالي سیاستونو او احساساتي دریځونو لرې فکر وشي

ونس څرګندوي:

«یو توهم شته چې که موږ لا ډېرې پیسې، وسلې یا بندیزونه ورکړو، بریا به نږدې شي. دا فکر له حقیقت ډېر لرې دی.»

د هغه په باور، جګړه د مرستو او تجهیزاتو په سیالۍ نه ګټل کېږي، بلکې هغه وخت پای ته رسېږي چې دواړه اړخونه د واقعیتونو پر بنسټ د سیاسي حل خوا ته لاړ شي

«سوله د خیالونو په نړۍ کې نه رامنځته کېږي»

ونس زیاته کړه چې سولې ته رسېدل د هغو سیاستمدارانو او دیپلوماتانو په وسیله نه کېږي چې په «خیالي نړۍ» کې ژوند کوي او د جګړې د اصلي ابعادو له درک څخه لېرې دي

امریکا د نوې لارې په درشل کې

د ټرمپ ټیم د اوکراین د جګړې لپاره د یوې نوې تګلارې پر جوړولو بوخت دی، خو جزییات یې تر اوسه نه دي افشا شوي. د ونس خبرې دا څرګندوي چې راتلونکی حکومت غواړي د بې‌پایلو لګښتونو په ځای، د خبرو، سیاسي حل او عملي توافق پر بنسټ د جګړې د پای موندلو لپاره نوې لاره پیدا کړي.

شنونکي: د ټرمپ اداره غواړي د لګښتونو «بې‌پایه څاه» بنده کړي

سیاسي کارپوهان وايي چې د ونس څرګندونې د دې نښه ده چې د اوکراین جګړه به نور د امریکا لپاره پر خلاص چک نه پرمخ ځي. هغوی ټینګار کوي چې زرګونه میلیارده ډالر لګول، بې‌له دې چې پایله تضمین وي، د امریکا د نوي حکومت لپاره د منلو وړ نه دي

پایله

د ټرمپ د مرستیال دغه څرګندونې د امریکا د راتلونکو پالیسیو لپاره مهم پیغام لري:

اوکراین به د وسلو په سیلاب نه ګټل کېږي؛ د سولې لپاره باید د واقعي نړۍ پر بنسټ یوه تازه سیاسي نسخه جوړه شي

اوس ټول سترګې په دې دي چې ایا د امریکا دغه نوې لاره به د دې اوږدې جګړې د پای زنګ ووهې که نه ؟